Шест најчести грешки при формирање на цена

Добра структура за формирање на цените може да ви помогне да изградите лојалност од потрошувачите и да остварите профит. Несоодветна структура за формирање на цената може да направи да се борите на пазарот за клиенти и профит. Кога треба да одредите како да ја формирате цената на вашите производи или услуги, се случуваат овие најчести грешки.

Пониска цена

Да ја одрдите реалната цена мора да внимавате на сите трошоци кои учествуваат во создавањето на вашиот производ или услуга. Ова вклучува цена на деловите или набавката на истите исто како и индиректните трошоци како знаење и можности што вие ги давате. Некои претприемачи ги определуваат цените без да ги пресметаат сите трошоци. Тие забораваат да ги пресметаат трошоците за изнајмување или пак имаат проблем со определување на цената за потрошеното време. Пристап којшто го користат компаниите кои нудат услуги е што имаат одредено цена по час.

Следење на конкуренцијата

Определувањето на цените спореед конкуренцијата може да биде опасно, бидејќи трошоците кои ги пресметува конкуренцијата може да не бидат исти како и вашите. Може да им плаќаат на набавувачите по пониска цена, да користат друга технологија и да имаат помали или поголеми буџети за рекламирање. Цената на конкурентите ќе ви претставува мерило за тоа дали вашата цена е реална или не. Ако забележите дека според вашите пресметки цената е пониска од конкуренцијата проверете да не сте испуштиле некој трошок.

Натпревар за пониска цена

Одредувањето на цените за да се победи конкуренцијата е малку несигурен начин. Вие сте обврзани да привлекувате потрошували на овој начин, но тоа не ви ветува дека тие ќе ви останат лојални. Ако ниските цени ги привлечат, тогаш тие можат да ве напуштат кога ќе дојде ист производ или услуга на пазарот со пониска цена. Подобар начин да се разликувате е да понудите подобра услуга, додатоци со производот или подобар квалитет.

Чекате предолго за покачување на цените

Зголемената побарувачка или зголеумувањето на набавните трошоци може да ве доведат во позиција дали да ги покачите цените или не. Некои претприемачи одбиваат да го направат тоа затоа што потрошувачите можат да реагираат негативно. Во многу случаи подобра стратегија е постепено покачување на цените. Со други зборови 10% покачување може да доведе до негативни реакции, отколку 5% покачување.

Намалување на цените без промена на испораката

Некои клиенти можат да бараат намалување на цената. Ова може да ве доведе до тешка ситуација, најмногу оние кои водат бизнис базиран на услуги. Давање на попуст или намалување на цените за тој клиент може да даде претстава дека вашите цени се превисоки.Подобар начин е да ги семните начините за услижување на потрошувачот. На пример можете да се сложите за намалување на цената доколку неделните состаноци ги намалите на еднаш . Друга опција е за големи нарачки да дадете попуст.

Поставување на различни цени

Некои потрошувачи може да инсистираат да им објасните како ги определувате цените. Во случај да не знаете како трошоците се поврзани со цената, ќе ви биде тешко да одредите кога е правото време да ги покачите или намалите цените.

Проектирање на готовински прилив

Проблемите со готовинскиот прилив честопати ги изненадуваат сопствениците на фирми. Точно проектирање на готовинскиот прилив може да ги заштити претприемачите од ваква ситуација. Со проекција на готовински прилив се предвидуваат сумите од пари кои твојот бизнис очекува дека ќе ги добие и ќе ги исплати секој месец во последователен период од шест или дванаесет месечен период. Со проекцијата се земаат предвид задоцнувањата помеѓу достасаните сметки и уплатите; правење издаток и плаќање за истиот; и собирање на даноци за државата, за кои се уште има рок за плаќање. Добро подготвено проектирање  на готовински прилив ќе ти овозможи да планираш како ќе се движи готовинскиот прилив во одредени позиции од проект или период. Исто така, ќе ти помогне да ги предвидиш недостатоците навреме, за да можеш да реагираш и да се заштитиш од криза со готовинскиот прилив. Проектирање на готовинскиот прилив ќе ти овозможи да ги откриеш трендовите во продажбата, да видиш дали на купувачите им треба повеќе време за да ти платат, и ќе ти помогне во планирањето на големи трошоци за опрема. Освен тоа, ако ти е потребен заем, банките ќе ти побараат годишна проекција на готовински прилив по месеци и три до петгодишна проекција по тримесечија. Следниот процес ќе ти помогне да подготвиш проекција на готовински прилив.

Чекор 1: Пари на рака

Пресметај ја својата готовина на почетокот на првиот месец од твојата проекција. Оваа сума се твоите „пари на рака“. Во следните месеци, крајното салдо од претходен месец ќе биде почетно салдо во наредниот.

Чекор 2: Парагон- блок

Водете сметка за готовинските плаќања, плаќања со кредитна картичка, наплати од кредитни сметки и приходи од камати. Поентата на ова е да се заведат сметките во месеците кога се очекува исплата, а не во месецот кога е продадена услугата/производот.

Чекор 3: Побараувања од должниците

Забележи го очекуваниот прилив во месеците кога очекуваш да пристигне уплатата. Ако до сега немаш информација која може да ти покаже колку време треба за индивидуални купувачи да си ги платат сметките, пресметај го нивниот „просечен период за наплата“ со тоа што ќе ја поделиш вкупната продажба од претходната година со 365. Ова е обемот на твојата дневна продажба во просек. Потоа, подели ја паричната вредност на твоите тековни парични побарувања со обемот на просечната дневна продажба. Тој број е просечниот број на денови кои ти се потребни за да наплатиш сметка. Користи го тој број како референца и забележи ги плаќањата како што ќе доаѓаат во следната година.

Чекор 4: Готовина од други извори

Земи ја предвид очекуваната готовина од други извори, вклучувајќи нови заеми од банките или готовина од членови од семејството, или понуди на акции.

Чекор 5: Вкупна расположива готовина

За секој месец од твојата проекција, додај ги чекорите низ чекори од еден до четири. Овој индекс ќе ти ја покаже вредноста на готовината што ти е на располагање секој месец.

Чекор 6: Исплатена готовина

Сега е време да се пресмета колку готовина очекуваш да потрошиш секој месец од твојата проекција.

Најпрво, процени ги оперативните трошоци. Повторно, тајната е во тоа да ги забележиш сите трошоци во месецот кога ќе бидат исплатени а не во месецот кога се направени. Води сметка да ги вклучиш следните ставки во твојата листа на оперативни трошоци:

• Бруто плати, вклучувајќи и очекувани трошоци за прекувремена работа
• Месечни примања на сопствениците
• Персонални даноци и придонеси, вклучувајќи и платени одмори, платени боледувања, здравствено осигурување и придонес за невработени
• Средства наменети за кооперанти, надворешни услуги, како и цена за работна рака и материјали
• Набавки и суровини за изработка на твојот производ или услуга, или за препродажба
• Потрошен материјал за употреба во твојот бизнис
• Поправки и одржување (води сметка да вклучиш повремени големи трошоци за реновирање, преуредување и сл)
• Пакување, транспорт и трошоци за испорака
• Трошоци за патување, возила и паркинг
• Адвертајзинг и промоции, вклучувајќи и летоци, директна пошта, печатени и телевизиски реклами, одржување на интернет страници и дизајн, именици и директориуми
• Професионални услуги како што се платени надници за адвокати, сметководители, книговодители, консултанти и сл.
• Кирија
• Телекомуникации, како што се телефон, факс, интернет
• Комуналии, вода, парно греење, струја, плин 
• Осигурување вклучувајќи и противпожарно, осигурување од одговорност за нанесена штета, работничко обесштетување итн.
• Даноци
• Камата на заеми
• Други трошоци кои се фокусираат на трошоци во врска со твојот бизнис
• Други трошоци (вклучуваат и тампон за разни трошоци)
• Кога ќе завршиш со листава, собери ги твоите оперативни трошоци.

Чекор 7: Други трошоци

Пресметај ги и другите тековни трошоци за твојот бизнис. Води сметка да ги вклучиш следните ставки:

• Заем за плаќање на основни средства- возила, набавки на опрема, итн.
• Капитални издатоци- трошоци како опрема, возила, изградба на нови или реновирање на постоечки згради, и подобрувања на изнајмени простории и канцеларии, трошоци за опрема и згради кои со тек на време имаат намалена вредност
• Трошоци за започнување на бизнис- трошоци направени пред првиот месец од работа и платени во текот на следната година/години.
• Резерви или резервни фондови- пари кои се тргнати настрана за даноци кои треба да се платат на крајот од годината, и пари заштедени за да помогнат за плаќање на големи сметки за осигурување или сметки за машини на пр.
• Плаќања за данокот на приход за сопственикот, животно осигурување на директорот, здравствено осигурување и сл.

Чекор 8: Вкупно исплатена готовина

Сега штом ги излиста и сите други трошоци на бизнис, додади ги на твојот вкупен износ за оперативни трошоци. Овој износ е твојата „вкупно исплатена готовина“ и ги покажува сумите кои ќе треба да ги исплаќаш секој месец.

Чекор 9: Определи го твојот месечен готовински прилив

Одземи ја сумата за вкупната исплатена готовина (чекор 8) од твојата вкупна расположива готовина (чекор 5). Добиената разлика е твојот готовински прилив, односно ситуација. Како што ќе ја подготвуваш својата проекција за готовинскиот прилив, провери дали на крајот од месецот состојбата е позитивна. Ако не е, преземи чекори за да ги покриеш овие очекувани недостатоци.

Ажурирај ја својата проекција на готовински прилив еднаш месечно, вклучувајќи ги и промените секогаш кога ќе сретнеш неочекуван трошок или приход. Во текот на работата, заведувај ги стварните трошоци и продажба веднаш до проценките на твојата проекција за готовински прилив, како што ќе доаѓаат. Проверувај ја точноста на проекцијата, и внеси ги промените за следните месеци по потреба. Штом заврши еден месец, додади друг на крајот на твојата проекција. 

Како да го преживеете понеделникот Нов почеток на работната недела

Според некои истражувања, понеделник се вбројува меѓу најдепресивните денови во неделата. Логично, во понеделник мораме да го испланираме работниот распоред за целата недела која ни претстои. Притоа се надеваме дека ќе имаме доволно сили да ги преживееме сите стресови и турбуленции, за да конечно во добро расположение го дочекаме викендот. И така до наредниот понеделник, кога целиот циклус одново се повторува, а вие се чувствувате како во некој маѓепсан круг.

Еве неколку превентивни чекори со кои ќе имате успешна и продуктивна работна недела.

Што можеш денес, не оставај за утре
Не дозволувајте си да го започнете викендот со куп незавршена работа и со мислата: "Ќе го средам тоа во понеделник". Секој понеделник треба да ви биде нов почеток, а не ден во кој ќе се акумулираат незавршени обврски од претходната недела. Веќе во четврток и петок претходната недела направете кус функционален план кој ќе ви овозможи да ги завршите сите тековни обврски во најкус можен рок. Во понеделник ве чекаат нови задолженија, а ако старите не ги завршите дотогаш, ќе се затрупате со работа и нема да знаете од каде да почнете.

Добрата организација и правилниот распоред се клучни 
Одредете ги вашите приоритети! Ова правило најмногу ќе ви помогне да го дочекате понеделник релаксирано, без обврски од минатата недела. Уште на почетокот одредете што е најбитно што треба да се направи и сконцентрирајте се на тоа. Најдобро е најважните нешта да ги завршите кога сте одморени и свежи. Во попладневните часови можете да ги завршите оние задачи кои не ви се толку битни и кои се од рутинска природа.

Исто така, ако работата ви е преобемна, не се форсирајте да завршите се одеднаш. Сето тоа може да биде огромен извор на стрес и фрустрација, што е сосема нормално. Затоа, една голема задача поделете ја на повеќе мали. Одете постепено, решавајте една по една обврска и на крајот ќе симнете голем товар од вашиот грб.  

Испланирајте го непланираното Што кога ќе се случи нешто непланирано? Како ќе се снајдете во новонастанатата ситуација зависи исклучиво од вашата интелигенција. Секако, за да не се најдете во ќорсокак, запомнете го следниов совет: Испланирајте го непланираното!

Се прашувате што значи тоа? Едноставно, тоа значи дека и покрај сето тоа што сте го испланирале за претстојната работна недела, морате да имате и празен простор во рамките на вапиот план, за да можете да интервенирате ако се случи нешто непланирано. На тој начин ќе имате време да ги завршите сите обврски и безгрижно да уживате во викендот, без да се грижите што се ве чека на работа во понеделник. 

Совети како да го претворите Вашето деловно патување во деловен успех

Вашето прво деловно патување

• Она што морате да го имате в предвид на секое бизнис патување е повеќе бизнис отколку патување. Вашата компанија троши премногу за Вашето деловно патување со цел сето тоа да се претвори во профит и покрај тоа што меѓу другото ќе се прошират и Вашите хоризонти.
• Внимателно проверете ја деловната политика на патување на Вашатa фирма. Треба да знаете кои трошоци се покриени , а кои се очекува од Вас сами да ги покриете или воопшто да не ги правите.
• Земете в предвид дека трошоците се различни за вработените во иста компанија. Тоа што Ваш колега патувал во бизнис класа не значи дека и Вие ќе можете да ја избегнете економичната класа во авионот.
• Запознајте го вработениот во фирмата што е одговорен за Вашето деловно патување бидејќи мора да знаете кој ги знае сите детаљи кога нешто ке тргне наопаку.
• Проверете ги личните и службените платежни картички. Не се доведувајте во ситуација да не можете да ги одведите вашите клучни клиенти на деловна вечера.
• Однапред консултирајте со финансовиот сектор во компанијата како ќе ги оправдате потрошените средства и дали се потребни писмени потврди за тоа, како би знаеле кои сметки да ги чувате.
• Во рамките на Вашата пријатна работна атмосфера е да ги поштедите сите не-патувачи во канцеларијата од деталите на патувањето. Нема потреба од создавање љубомора и деструктивни дискусии. Донесете им штосна разгледница кога ќе се вратите.
• Никако не понесувајте огромен куфер иако Вашата патна дестинација подразбира променливо време. Нема ништо позаморно од тркалање плакари низ аеродромите.
• Прифатете ја општата корпоративна култура во Вашата матична компанија. Размислете, дали сите седат еден до друг во авионот, дали заедно појадувате или секој си нарачува во собата? Која е пристојната дистанца која сакате да ја одржите? Дали е природно да се појавите на работа во 8 часот наутро иако сте допатувале во 3.00?
• Секако,деловното патување е пријатно и добредојдено. Само погрижете се, ништо да не ве изненади, како би можеле да се фокусирате на основната цел- деловен успех.

Бидете организирани

Претприемачите имаат потенцијал да бидат неорганизирани. Тие имаат ограничени извори и многу информации кои треба да ги следат. Заради оваа причина, средувањето на канцеларијата, организацијата и одржување може да им избегаат од контрола. Мал пропуст е дозволен и разбирлив, но за доброто за бизнисот, периодична организиција на работата е важна. Советите дадени подолу ќе ви помогнат да ја направите вашата канцеларија поорганизирана. Зачувајте го овој текст и читајте го на неколку месеци. Ако сте премногу зафатени да ја исполните вие задачата, вработете некој да го направи истото наместо вас. Заштедата на време ќе ви се исплати.

Советите се поделени во следниве категории
1.       Опремување на канцеларија

2.       Средување на документи

3.       Компјутерски документи

 Опремување на канцеларија

Имајте ги сите работи на место ќе заштедите на одржување. Проверете ја опремата преку овие совети и направете ги потребните промени.

Тргнете ги работите кои не ги користите секојдневно од важиот поглед

Ова е бидејќи документите, дополнителната хартија, и големиот куп на пликоа изгледаат несредено и може да предизвикаат деконцентрација. Ако ви дозволува просторот, чувајте ги резервните канцелариски материјали во шкаф или магацин. Ставете ги таму работите кои не ги користите постојано.

Организирајте ги така работите да ви бидат на дофат.
На пример, не би требале да поместите кутии за да стигнете до пликоата.

Организирајте ја канцеларијата да функционира беспрекорно.

Ако падне се кога ќе извадите една книга од полицата или нема доволно место до факсот за едноставно да ги пуштате документите и да ги добивате факсовите, преорганзирајте ја канцеларијата. Овие мали работи ви сметаат во работата и ви одземаат време и предизвикуваат стрес.

Креирајте “сигурна” канта за отпадоци

Ако вашата неорганизираност ви дозволува постојано да фрлате работи за да подоцна сфатите дека ви требаат направете“сигурна” канта за отпадоци. Ништо друго не фрлајте освен хартијата во оваа канта. Не фрлајте отпадоци од овошје, лименки, ништо што не би сакале да го видите кога би претурале по истата. Празнете ја оваа канта на неколку недели, за да имате време ако нешто ви притреба, а сте го фрлиле. Овој систем ќе ви дозволи да се доведете во ред.

Креирајте систем за проток на информации

Размислете со каков вид на информации, материјали и други работи се среќавате. Најверојатно вашата листа ќе ги вклучи основите како дојдените и испратените маилови, телефонски броеви, тековни проекти и материјали кои сакате да ги зачувате но во моментов не можете да им посветите внимание. Кога ќе ја направите вашата листа посетете продавница за канцелариски материјали за да најдете решение за организирање на вашите информации. Производот кој ќе ви одговара и ќе ги задоволи вашите потреби може нема да можете веднаш да го најдете и би требале да комбинирате два производа од продавницата или да купите едне и да го адаптирате по вашите потреби.

Средување на документи
Без разлика колку вашата канцеларија е добро организирана, одржувањето ќе ви бара информациите да ви бидат добро организирани. Подолу се неколку совети за поедноставно средување на хартиите и електронските документи.

Чистете редовно

Сортирајте ги вашите документи еднаш на четири месеци и исфрлете ги работите кои повеќе не ви се потребни. Ако постојано ја одложувате оваа работа, вработете некого за тоа. Иако вие би требале да бидете дел од овој процес, состанок со помошникот ќе ви помогне да ја завршите оваа задача.

Преименувајте ги документите

Ако имате проблем со пронаоѓање на документи, креирајте имиња на документите кои би почнувале со првиот збор кој е побврзан со содржината. Шансите се, ако овој збор ви текне кога ќе ја преименувате папката лесно ќе го запомните кога ќе ги барате документите.

Групирајте ги документите кои се поврзани по содржина
Чувајте ги документите на еден клиент во една фиока или дел од фиоката, материјалите кои ги чувате и договорите во друга. Вашите лични документи чувајте ги посебно од бизнис материјалите.


Имајте доволно постор за дополнување
Организацијата на документите е видлива само доколку имате доволно простот во плакарите. Инвестирајте во високо квалитетни, просторни плакари кои ќе ви обезбедат доволно простор за документите кои ги складирате.

Комјутерски документи

Хард дискот на вашиот компјутер исто така има потреба од периодично чистење .

Ослободете простор со back-up

Старите или веќе искористени документи можат да бидат префрлени на дискета или ЦД. Ова ќе ја зголеми брзината на работа на вашиот компјутер.

Именувајте ги документите со препознатливи имиња
Користете општи, често користени имиња за документите кои можат лесно да бидат иддентификувани , како “плата.96”. Ова може да биде олеснително кога работите со голем број на мали документи во исто време, и ќе ви го намали времето на пребарување.

Нека ви прерасне во навика

Оргазнизацијата е дисциплина која се учи, но организирано чување на хард диск или ЦД со време ќе ви стане навика. Правете постојано bаck-up и продлжете да ги чувате документите по систем.

Компресирајте ги податоците

Ако просторот на вашиот хард диск е секогаш проблем за чувањето на податоците, има програми кои ви помагаат да ги компресирате документите и да ви се згоемеи просторот.

Користете ЦД-а во боја

Снимајте ги документите на ЦД-а кои ќе бидат во различни бои и полесно ќе го најдете тоа што ви треба. На пример: користете сино ЦД за сметководство, зелено за плаќања, црвено за продажба.

Ефикасна контрола на времето

Доброто менаџирање на вашето време ќе ве ослободи од дел од стресот и ќе ја избегне исцрпеноста. Добрата организација на времето е потребна 24 часа дневно и 7 дена неделно. Истата не можете да ја научите на факултет, а еднаш штом ќе ја научите, нема да можете да ја заборавите и ќе ја применувате постојано додека сте на работа, но и додека ги организирате фамилијарните активности. Во денешното турбулентно живеење, морате да си оставите простор за подобрување на менаџментот на времето.

1. Одредете кои активности се најважни во вашиот бизнис
Јасно издвојте ги најважните аспекти од вашата работа, односно оние работи кои генерираат најголеми резултати. Поставете си прашања од типот: Што најмногу влијае на моите вработени?; Кои активности ја зголемуваат продажбата?; Што најмногу сакаат моите клиенти?. Не го заборавајте "Парето оптимум" принципот, според кој 20 проценти од работите генерираат 80 проценти од резултатите. Во позадина на овој совет стојат токму оние 20 проценти кои имаат најголем придонес за вашата организација.

2. Правете "TO DO" листи (листи на сите работи кои треба да се извршат)
Откако ги знаете најважните активности за вашата организација, започнете со правење на неделни To-Do листи. Сите ставки во листите означете ги со A,B или C, при што со A ќе бидат обележани најважните, а со C помалку важните работи кои треба да се извршат оваа недела. Секое утро, правете дневни to-do листи, потенцирајќи ги работите кои мора да бидат завршени денес и работите кои би сакале да ги завршите доколку ви остане време.

3. Не работете според чувствата
Карактеристика на лошите менаџери е да го засноваат своето работење на моменталната емотивна состојба (пример: Не можам да им се јавам сега затоа што не сум многу расположен за муабет). Ефективното менаџирање на времето ги приоритизира навиките над чувствата. Деловниот разговор на телефон треба да биде рутина, а не емотивна потешкотија. Најголем број од менаџерите прво ги извршуваат лесните и едноставните ставки во нивните to-do листи (како читање на е-пошта, разгледување на дневни весници, средување на бироата и сл.). Добрите менаџери прво ги извршуваат поважните работи, без разлика на емотивната состојба.

4. Доделувајте задачи на други
Доколку сте еден од оние лидери кои сакаат сами да ги извршуваат сите работи, тогаш најверојатно ќе останете презафатени, исфрустрирани и нервозни. Зголемете ја довербата во луѓето околу вас и полека доделувајте им дополнителни задачи, со цел максимално да го искористите нивното, а со тоа и своето време. Ова ќе ви дозволи да се сконцентрирате на поважните работи во компанијата.

5. Прочитај, меморирај и фрли
Следете го правилото за еднократно читање на документите. Административните работи знаат да потрошат голем дел од вашето работно време, особено доколку не ги извршувате на време. Читајте ги документите само еднаш, меморирајќи го она на што се однесува документот и веднаш наоѓајќи решение него. Доколку тоа е нова фактура, пресметајте кога мислите дека е најдобро време да се плати и веднаш додадете го терминот во вашиот распоред. Доколку се работи за апликација која треба да ја пополните, направете го тоа веднаш или пак доколку сте презафатени во моментот, пополнете ја апликацијата на крајот на денот. Најлоша навика е да го чекате крајниот рок на аплицирање, затоа што голема е веројатноста да бидете презафатени тој ден или пак да заборавите. Подобро е да изгубите две, три или пет минути сега кога сте го добиле документот, отколку да изгубите половина час по неколку дена, трудејќи се да се сетите на местото каде сте ја зачувале.

6. Бидете реални и останете флексибилни
При составувањето на дневните и неделните распореди трудете се да бидете што е можно пореални за количината на работа која планирате да ја изработите. Предвидувањата засновајте ги на примерите од минатото. Доколку до сега во просек сте имале по 6 состаноци дневно, не планирајте да одржите 12 состаноци утре. Секогаш оставете си еден дел од денот во кој немате никакви обврски, затоа што секогаш се појавуваат работи кои мора одма да ги завршите. Доколку не се појават вакви работи, тогаш времето искористете го за задачите обележани со буквата "C".

7. Оставете си време за себе
Посветете си дел од работното време само за себе. Доколку некој ве бара во тој период, слободно оправдајте се дека имате состанок или дека сте зафатени. Вие и навистина сте зафатени, затоа што овој период од денот вие треба ги наполните своите батерии и да размислите од едно повисоко ниво. Секојдневните активности често ви ја замаглуваат најважната цел кон која се стремите. Колку и да сте зафатени, секогаш можете да одвоите 15 минути дневно за себе.

8. Веднаш одговарајте на електронските пораки
И овде важи правилото под реден број 5, но со мали корекции. Овој пат правилото гласи: Прочитај, зачувај и одговори. Креирајте папка во вашата е-пошта која ќе ја именувате "За подоцна" (или некое слично име со иста намена). Овде зачувувајте ги сите пораки на кои треба да одговорите меѓутоа сеуште не знаете што да напишете или пак ви е потребно повеќе време. Најдобра практика е веднаш да одговорите на секоја порака. По секој настан на кои сте присуствувале, испратете им порака на луѓето што сте ги запознале на тој настан. Тоа ќе им покаже дека сте ги ставиле на листата на приоритети и веднаш сте ги контактирале. Некои од овие луѓе во иднина ќе бидат важни стратешки партнери во вашиот бизнис.